संचारबंदी असूनही अनेक कोल्हापूरकर रस्त्यावर

कोल्हापूर - संचारबंदी लागू झाली असून सुद्धा कोल्हापुरातील रस्त्यांवर नागरिक पहायला मिळत आहेत. कोरोनाच्या या मोठ्या संकटावर मात करण्यासाठी प्रशासन दिवस-रात्र मेहनत घेत आहे. प्रत्येकाला स्वतःच्या घरी राहून स्वतःची काळजी घ्या असे वारंवार सांगण्यात येत आहे. कालच मुख्यमंत्री उद्धव ठाकरे यांनी राज्यात संचारबंदी लागू केली. तरीदेखील कोल्हापुरातील काही नागरिक रस्त्यावरती आल्याचे पाहायला मिळत आहे. त्यामुळे काही कोल्हापूरकरांना अजूनही या संकटाचे गांभीर्य नाही आहे का असा सवाल उपस्थित होत आहे. याबाबतच कोल्हापुरातील परिस्थितीचा आढावा घेतला आहे आमचे प्रतिनिधी शेखर पाटील यांनी.