Maratha Reservation News : श्रीमंत शाहू महाराज छत्रपती घेणार मनोज जरांगेंची भेट; उपोषण मिटणार का?

कोल्हापूरMaratha Reservation News  :छत्रपती राजर्षी शाहू महाराज यांचे वंशज श्रीमंत शाहू महाराज छत्रपती हे आज (31 ऑक्टोबर) मनोज जरांगे पाटील यांची भेट घेणार आहेत. काही दिवसांपूर्वीच संभाजीराजे छत्रपती यांनी मनोज जरांगे पाटील यांची भेट घेत आपला पाठिंबा दर्शविला होता. त्यानंतर आता श्रीमंत शाहू महाराज छत्रपती हे जरांगे पाटलांच्या भेटीसाठी आज पहाटे पाच वाजता कोल्हापुरातील न्यू पॅलेस इथून अंतरवाली सराटीकडे रवाना झाले आहेत. त्यामुळं श्रीमंत शाहू महाराज छत्रपती हे जरांगे पाटलांची समजूत काढतील का? त्यांना काय आवाहन करतील याकडं संपूर्ण राज्याचं लक्ष लागलंय. मनोज जरांगे पाटील हे गेल्या सात दिवसांपासून मराठा आरक्षणसाठी आमरण उपोषणाला बसले आहेत. आता त्यांची तब्येत देखील खालावली आहे.