Nashik Leopard Caught : निफाडमध्ये सावजाच्या शोधात असलेला बिबट्या जेरबंद

निफाड ( नाशिक ) - निफाड तालुक्यातील चांदोरी येथील एका शेतात सावजाच्या शोधात असलेला बिबट्या जेरबंद झाला आहे. परिसरात दोन ते तीन बिबटे असल्याची माहिती शेतकऱ्यांनी दिली होती. त्यानंतर वन विभागाने परिसरात पिंजरे लावले होते. तेव्हा एक बिबट्या जेरबंद झाला आहे. या बिबट्याला वन विभागाने ताब्यात घेत निफाड येथील रोपवाटिकेत आणले. त्यावेळी हा बिबट्या अंदाजे पाच ते सहा वर्षाचा नर जातीचा असल्याची माहिती वन विभागाने दिली आहे. पशुवैद्यकीय अधिकारी यांच्याकडून तपासणी केल्यानंतर बिबट्याला पुन्हा जंगलात सोडून देण्यात येणार आहे