Fire Jayaka Motors Showroom : जायका मोटर्सच्या शोरूमला आग लागून लाखोंचे नुकसान

चंद्रपूर - चंद्रपूर-नागपूर मार्गावरील जायका मोटर्सच्या शोरूमला आग लागली. ही आग काल सोमवार (दि. 21 फेब्रुवारी)रोजी मध्यरात्री लागली असून, यात लाखोंचे नुकसान झाल्याची माहिती आहे. ही आग शॉर्ट सर्किटने लागल्याचा अंदाज व्यक्त करण्यात येत आहे. काल रात्री कार्यालयाची कामे आटोपल्यावर अचानक (प्राथमिक अंदाज) शॉर्ट सर्किट झाल्याने आग लागली. हळूहळू आगीने भीषण रूप धारण केले. या आगीत कार्यालयातील फर्निचर, कॉम्प्यूटर जळून खाक झाले. (Fire Jayaka Motors Showroom) घटनेची माहिती मिळताच धारिवाल कंपनीतील अग्निशामक व मनपा अग्निशामक दलाने आगीवर नियंत्रण मिळवले. मात्र, त्यापूर्वी या आगीत लाखो रुपयांचे नुकसान झाल्याची माहिती आहे. यासंदर्भात अधिक तपास सुरू आहे.