यवतमाळ - शहरातील जुन्या बस स्थानकाचे बांधकाम सुरू असल्याने हे स्थानक आर्णी रोडवरील परिवहन महामंडळाच्या जागेवर तात्पुरते हलविण्यात आले आहे. या ठिकाणी असलेले दगड बसच्या चाकाखाली येऊन उसळत असल्याने अनेक प्रवासी जखमी होत आहे.
बस स्थानकात नागरिकांच्या जीवाशी खेळ, राज्य परिवहन मंडळाचे दुर्लक्ष
उसळणाऱ्या या दगडांमुळे गंभीर घटना होण्याची शक्यता नाकारता येत नाही. या बसस्थानकामध्ये डांबरीकरण न करता बसची ये-जा सुरू आहे. शिवाय वाहतूक कोंडीही वाढली आहे. या समस्येवर राज्य परिवहन महामंडळाने कोणतीही उपाययोजना केली नाही.