यवतमाळमध्ये अंगणवाडी सेविकेच्या आत्महत्येप्रकरणी पर्यवेक्षिकेला निलंबीत करण्याची मागणी

पर्यवेक्षिका पटले या पोषण आहार ॲप्समध्ये इंग्रजीत माहिती भरण्यासाठी व इतर कारणाने मानसिक त्रास देत होत्या, असा आरोप कुटुंबातील सदस्यांनी केला. ही पर्यवेक्षिका वादग्रस्त असून त्यांची अनेकदा बदली ही करण्यात आली आहे. त्यामुळे त्यांना तात्काळ निलंबित करून या प्रकरणाची चौकशी करण्यात यावी, अशी मागणी आंदोलनकर्त्यांनी केली आहे.

यवतमाळ - पिंपळगाव येथील अंगणवाडी सेविका माया गजभिये यांनी पर्यवेक्षिकांच्या मानसिक त्रासाला कंटाळून १ एप्रिलला आत्महत्या केली होती. मृत अंगणवाडी सेविकेला न्याय मिळून देण्यासाठी महाराष्ट्र राज्य अंगणवाडी बालवाडी कर्मचारी युनियने (आयटक) जिल्हा परिषदेवर धडक देत पर्यवेक्षिका शोभा पटले यांना निलंबित करण्याची मागणी केली.

आत्महत्येस पर्यवेक्षिकाच कारणीभुत -

पिंपळगाव येथील अंगणवाडी सेविका माया गजभिये यांना पर्यवेक्षिका शोभा पटले यांच्याकडून होणाऱ्या मानसिक त्रासाला कंटाळून आत्महत्या केली. आत्महत्येला पर्यवेक्षिका कारणीभूत असल्याचा आरोपही नातेवाईकांकडून करण्यात आला. पर्यवेक्षिका पटले या पोषण आहार ॲप्समध्ये इंग्रजीत माहिती भरण्यासाठी व इतर कारणाने मानसिक त्रास देत होत्या, असा आरोप कुटुंबातील सदस्यांनी केला. ही पर्यवेक्षिका वादग्रस्त असून त्यांची अनेकदा बदली ही करण्यात आली आहे. त्यामुळे त्यांना तात्काळ निलंबित करून या प्रकरणाची चौकशी करण्यात यावी, अशीही मागणी यावेळी करण्यात आली.

आर्थिक मदतीची मागणी -

मृत माया गजभिये अंगणवाडी सेविकेच्या कुटुंबियांना प्रधानमंत्री जीवन ज्योति विमा योजना, प्रधानमंत्री सुरक्षा योजना अंतर्गत दोन लाखांची आर्थिक मदत देण्यात यावी, कुटुंबातील महिलेला अंगणवाडीत समावून घेण्यात यावे आदी मागण्या आयटक व राहुल गांधी विचार मंचच्या पदाधिकाऱ्यांनी जिल्हा जिल्हा परिषदेचे मुख्य कार्यकारी अधिकारी डॉ. श्रीकृष्ण पांचाळ यांच्याकडे मागण्या करण्यात आल्या.

हेही वाचा -शाररीक दिव्यांग तरीही, 'ती'ची कला पोहचलीये साता समुद्रापार