वाशिम -शाळकरी विद्यार्थीनीला ट्रकने चिरडल्याची घटना कारंजा शहरातील बायपास परिसरातील झाशी राणी चौकात घडली आहे. आरती मनोज मोघाड असे या अपघातात मृत झालेल्या मुलीचे नाव आहे.
हे ही वाचा -जलसंधारण मंत्री सावंतांच्या गाडीने तरुणास चिरडले; संतप्त जमावाने फोडली गाडी
मुर्तिजापूरहून दारव्हाकडे जात असताना पाठीमागून येणाऱ्या ट्रकने (एम पी- ०९-१७५७) सायकलला मागून धडक दिली. या धडकेत सायकलवरील मुलगी आरती मोघाड ही चाकाखाली आल्याने तिचा जागीच मृत्यू झाला. अपघाताची माहिती मिळताच सर्वधर्म आपत्कालीन संस्थेचे शाम सवाई यांनी रूग्णवाहिका आणि आपल्या सहकाऱ्यांसह घटनास्थळी धाव घेत अपघातग्रस्त शाळकरी विद्यार्थीनीस कारंजा उप जिल्हा रूग्णालयात आणले. परंतु त्यापुर्वीच तिची प्राणज्योत मालवली होती . आरती ही कारंजा येथील कंकुबाई कन्या शाळेत इयत्ता नववीत शिकत असून तीचे वडील हे शिक्षक आहेत.
हे ही वाचा -VIDEO : रेल्वेने हत्तीला दिली जोराची धडक, जखमी हत्तीची उठण्यासाठी धडपड