वाहतूक बंद असतानाही जीव धोक्यात टाकून प्रवाशांनी ओलांडला पूल

वाशिम येथील बेंबळा नदीला पूर आल्याने वाहतूक बंद आहे. मात्र, काही प्रवाशांनी आपला जीव धोक्यात टाकून हा पूल ओलांडला.

वाशिम - कारंजा तालुक्यातील अमरावतीकडे साखरा मार्गे जाणाऱ्या धनज लोणी रस्त्यावर बेंम्बळा नदीला पूर आल्याने वाहतूक बंद आहे. मात्र, काही प्रवाशांनी आपला जीव धोक्यात टाकून पूल ओलांडल्याची घटना घडली.

अमरावतीला जाणाऱ्या नेहमीच्या (कामरगाव ढंगारखेड मार्गे) रस्त्याचे काम सुरू आहे. त्यामुळे अमरावतीला जाणारी सर्वच वाहतूक साखरा मार्गे सुरू आहे. परंतु आज बेंबळा नदीला पूर आल्याने नदीच्या पुलावरून पाणी वाहत आहे. हा पूर ओसरूपर्यंत वाहतूक थांबवली गेली. अनेक प्रवाशांनी पुरामुळे आपला प्रवास थांबवला. मात्र काही प्रवाशांनी आपला जीव धोक्यात टाकून हा पूल ओलांडला.