वाशिममध्ये मानाच्या शिवशंकर गणपतीची पूजा करून गणेश विसर्जनाला सुरुवात

वाशिम येथील मानाच्या शिवशंकर गणेश मंडळाच्या गणपतीची जिल्हा पोलीस अधीक्षक वसंत परदेशी आणि नगराध्यक्ष अशोक हेडा यांनी पूजा करून शिवाजी चौकातून विसर्जन मिरवणुकीला सुरुवात झाली आहे.

वाशिम- येथील मानाच्या शिवशंकर गणेश मंडळाच्या गणपतीची जिल्हा पोलीस अधीक्षक वसंत परदेशी आणि नगराध्यक्ष अशोक हेडा यांनी पूजा करून शिवाजी चौकातून विसर्जन मिरवणुकीला सुरुवात झाली आहे. शिवाजी चौकातून सुरू झालेली मिरवणूक बालू चौक, मन्नासिंग चौक, बाहेती गल्ली, काटीवेशमार्गे देव तलावात विसर्जन होणार आहे.

यंदा 36 मंडळांनी मिरवणुकीत सहभाग घेतला असून, मिरवणूक शांततेत पार पडावी यासाठी चोख बंदोबस्त ठेवण्यात आला आहे. मिरवणुकीत कोणताही अनुचित प्रकार घडू नये यासाठी एक हजार ५५९ पोलीस अधिकारी व कर्मचारी तैनात करण्यात आले आहेत.