मालेगाव-मेहकर मार्गावर कार, ट्रॅक्टरचा भीषण अपघात; एक ठार एक जखमी

पांगरी कुटे दरम्यान ट्रॅक्टरला ओव्हरटेक करण्याच्या प्रयत्नात मारुती कारणे ट्रक्टरला मागुन जोरदार धडक दिली.

वाशिम- ट्रॅक्टरला ओव्हरटेक करण्याच्या प्रयत्नात मारुती कार व ट्रॅक्टरमध्ये भीषण अपघात झाला. या अपघातात अकोला येथील एक डॉक्टर जागीच ठार झाले तर एकजण गंभीर जखमी झाला आहे. मालेगाव-मेहकर मार्गावरील वडप ते पांगरी कुटे गावादरम्यान हा अपघात झाला.

अकोला येथील डॉ. सुधीर ठाकरे आणि डॉ. अशोक ठाकरे हे आपली मारुती सुझुकी गाडी क्रमांक (एम. एच ३० ए. ए ६८५) मधून मेहकरवरून अकोल्याकडे जात होते. पांगरी कुटे दरम्यान ट्रॅक्टरला ओव्हरटेक करण्याच्या प्रयत्नात मारुती कारणे ट्रक्टरला मागुन जोरदार धडक दिली. यावेळी झालेल्या अपघातामध्ये डॉ. अशोक ठाकरे हे जागीच ठार झाले तर सुधीर ठाकरे हे गंभीर जखमी झाले आहेत. जखमी सुधीर ठाकरे यांना अकोला येथे उपचाराकरिता हलविण्यात आले आहे.