वर्धा - देवळी विधानसभा मतदारसंघाचे काँग्रेसचे आमदार रणजित कांबळे भाजपमध्ये प्रवेश करणार, अशा आशयाचे बॅनर सोशल मीडियावर व्हायरल करण्यात आले आहेत. याविरोधात काँग्रेसचे जिल्हाध्यक्ष मनोज चांदूरकर यांच्या तक्रारीवरून अज्ञातांविरोधात गुन्हा दाखल करण्यात आला आहे.
या विषयी माहिती देताना काँग्रेसचे जिल्हाध्यक्ष मनोज चांदूरकर
लोकसभेचे निकाल लागून दोन दिवस होत नाही, तोच विधानसभेचे अनेकांना वेध लागले आहेत. यातूनच सलग तीनदा विजयी राहिलेले, विशेष म्हणजे 2014 च्या मोदी लाटेतही निवडूण आलेले रणजित कांबळे हे टार्गेट होताना दिसून येत आहे. आगामी विधानसभा लक्षात घेता हा खोडसाळपणा केल्याचे बोलले जात आहे.