ठाणे - मुलीला जीममध्ये प्रशिक्षण देताना विकृत जीम प्रशिक्षकाने तिच्याशी अश्लील चाळे केल्याचा संतापजनक प्रकार उघडकीस आला आहे. याप्रकरणी पीडित अल्पवयीन मुलीने दिलेल्या तक्रारीवरून कल्याणच्या कोळसेवाडी पोलीस ठाण्यात पोक्सो कायद्यांतर्गत गुन्हा दाखल करत त्या प्रशिक्षकाला अटक केली आहे. गणेश डांगोर असे नराधमाचे नाव आहे.
अल्पवयीन मुलीशी जीममध्ये अश्लील चाळे करणारा विकृत प्रशिक्षक गजाआड
मिळालेल्या माहितीनुसार कल्याण पूर्वेतील तिसगाव नाका परिसरात ही जीम आहे. या जीममध्ये गणेश डांगोर हा जीम प्रशिक्षक म्हणून काम करतो. या जीममध्ये एका अल्पवयीन मुलीने प्रवेश घेतला होता. मात्र, पहिल्या दिवशीच प्रशिक्षण देताना डांगोरने मुलीसोबत घृणास्पद प्रकार केला.