ठाणे - दिवा येथे एका क्रिकेट सामन्याच्या उद्घाटनाला आलेले माजी मुख्यमंत्री आणि विरोधी पक्षनेते देवेंद्र फडणवीस यांनी क्रिकेट खेळण्याचा आनंद लुटला. फडणवीस यांनी मैदानात उतरून बॉलरने टाकलेल्या बाउंसरला हूक शॉट मारून चेंडू सीमेपार घालवला.
माजी मुख्यमंत्री देवेंद्र फडणवीस यांची क्रिकेट मैदानात फटकेबाजी
दिवा येथे भाजप आयोजित एक कार्यक्रमात माजी मुख्यमंत्री आणि विरोधीपक्ष नेते देवेंद्र फडणवीस हे एका क्रिकेट सामन्याच्या उद्घाटनाकरता आले होते. मात्र, ऐरवी सभागृहात आणि भाषणात फटकेबाजी करणारे देवेंद्र फडणवीस यांना मैदान दिसताच थेट हातात बॅट घेऊन ते मैदानात उतरले आणि समोरुन बॉलरने टाकलेल्या बाउंसरला हूक शॉट मारून चेंडू थेट सीमेपार घालवला. देवेंद्र फडणवीस यांची ही फटकेबाजी पाहून उपस्थित भाजप नेते आणि प्रेक्षकांनी टाळ्यांचा एकच कडकडाट करत फडणवीस यांच्या क्रिकेटच्या मैदानातील फटकेबाजीला दाद दिली.