आसनगावजवळ कार आणि गॅस टँकरमध्ये भीषण अपघात; २ जण जागीच ठार, २ गंभीर

अपघात एवढा भीषण होता की, अपघातग्रस्त कारच्या समोरील भागाचा पूर्ण चेंदामेंदा हाला. दरम्यान, महामार्ग पोलिसांनी घटनास्थळी दाखल होऊन क्रेनच्या साहायाने कारमधील चारही गंभीर जखमींना बाहेर काढले. दरम्यान मृत आणि जखमींची नावे समजू शकली नाहीत.

ठाणे- भरधाव कारने गॅस टँकरला पाठीमागून जोरदार धडक दिल्याने भीषण अपघात झाला. या अपघातात कारमधील दोन जण जागीच ठार झाले असून दोन जण गंभीर जखमी झाले. ही घटना आज सकाळी मुंबई-नाशिक महामार्गावरील आसनगाव परिसरात असलेल्या परिवार गार्डन हॉटेलसमोर घडली.

घटनेची माहिती मिळताच महामार्ग पोलिसांनी घटनास्थळी धाव घेऊन कारमधील गंभीर अवस्थेत असलेल्या ४ जखमींना शहापूरच्या उपजिल्हा रुग्णालयात दाखल केले. मात्र, यापैकी दोघांचा मृत्यू झाला आहे. मृतांमध्ये एका तरुणीचा आणि तरुणाचा समावेश आहे. तर, अपघातग्रस्त कार राजस्थान पासिंगची असून ती टुरिस्ट कार आहे.

सदर अपघात इतका भीषण होता की, अपघातग्रस्त कारचा समोरील भाग संपूर्ण चेंदामेंदा होऊन क्षतिग्रस्त झाला. दरम्यान, महामार्ग पोलिसांनी घटनास्थळी दाखल होऊन क्रेनच्या साहाय्याने कारमधील चारही गंभीर जखमींना बाहेर काढले. दरम्यान, मृतक आणि जखमींची नावे समजू शकली नाही. शहापूर महामार्ग पोलिसांकडून या अपघाताची नोंद झाली असून त्यांच्याकडून पुढील तपास सुरू झाला आहे.

हेही वाचा-ठाण्यात नाल्यात फेकलेल्या बॅगेत आढळले मृत अर्भक