बोगस बियाणे प्रकरण: कृषी सेवा केंद्र चालकांचा राज्यव्यापी तीन दिवसीय संप..

राज्यातील सर्व कृषी केंद्र चालकांनी शुक्रवारपासून तीन दिवसांचा संप पुकारला आहे. राज्यातील काही भागांमध्ये कृषी सेवा केंद्र चालकांवर कृषी खात्याकडून गुन्हे दाखल करण्यात आले आहेत. शेतकऱ्यांना बोगस बियाणे विक्री केल्याचा आरोप ठेवत कंपनीसह कृषी केंद्र चालकांवर गुन्हे दाखल करण्यात आले आहेत.

सोलापूर- ऐन खरिपाच्या तोंडावर राज्यातील कृषी सेवा केंद्र चालकांनी संप पुकारला आहे. राज्यातील सर्व कृषी सेवा केंद्र तीन दिवसांसाठी बंद ठेवण्यात आली आहेत. या संपाचा शनिवारी दुसरा दिवस आहे. सोलापूर जिल्ह्यातील कृषी सेवा केंद्र चालकांनी काल शुक्रवारी 100 टक्के दुकान बंद ठेवली होती.

राज्यातील सर्व कृषी केंद्र चालकांनी शुक्रवारपासून तीन दिवसांचा संप पुकारला आहे. राज्यातील काही भागांमध्ये कृषी सेवा केंद्र चालकांवर कृषी खात्याकडून गुन्हे दाखल करण्यात आले आहेत. शेतकऱ्यांना बोगस बियाणे विक्री केल्याचा आरोप ठेवत कंपनीसह कृषी केंद्र चालकांवर गुन्हे दाखल करण्यात आले आहेत. त्यामुळे राज्यातील कृषी सेवा केंद्र चालकाच्या संघटनेने संपूर्ण राज्यात तीन दिवसाचा संप पुकारला आहे. या संपाच्या पहिल्या दिवशी सोलापुरातील सर्व कृषी केंद्रचालकांनी आपली दुकाने बंद ठेवत संपामध्ये शंभर टक्के सहभाग नोंदवला.सोलापूर जिल्ह्यात बार्शी अक्कलकोट दक्षिण सोलापूर, उत्तर सोलापूर, करमाळा, मोहोळ या तालुक्यामध्ये खरिपाची सोयाबीन पेरणी झाली. मात्र अनेक ठिकाणी बियाणे उगवलेच नाही. यामुळे शेतकऱ्यांवर दुबार पेरणी करण्याची वेळ आली होती.

मागील दोन दिवसांपासून जिल्ह्यात काही प्रमाणात पाऊस सुरू झाला आहे. शेतकऱ्यांची खरिपाच्या पेरणीसाठी लगबग सुरू असताना, खरीपाच्या पेरणीच्या तोंडावरच जिल्ह्यातील कृषी सेवा केंद्र चालकांनी हा संप पुकारला आहे. कृषी सेवा केंद्र चालक हे फक्त मध्यस्थाची भूमिका बजावत असून कंपनीने तयार केलेले बियाणे पॅकिंग होऊन येत असते. खत देखील पॅकिंग असतो. त्यामुळे बोगस खते व बियाणांमध्ये कृषी सेवा केंद्र चालकांची कोणतीही भूमिका नाही. अनेक ठिकाणी कृषी सेवा केंद्रा चालकांवर गुन्हा दाखल करण्यात आले आहेत. याचा निषेध म्हणून राज्यातील कृषी केंद्र चालकांनी हा तीन दिवसाचा लाक्षणिक संप पुकारला आहे.