सोलापूर - ग्रामविकासाच्या प्रक्रियेतील प्रशासकीय दुवा असलेल्या ग्रामसेवकांची प्रबोधन दिंडी विठु माऊलींच्या जयघोषात पंढरीत दाखल झाली. या प्रबोधन दिंडीचे पंढरपूर पंचायत समितीचे गटविकास अधिकारी रविकिरण घोडके यांनी स्वागत केले.
स्वच्छतेचा आणि ग्रामविकासाचा संदेश देणारी ग्रामसेवकांची प्रबोधन दिंडी पंढरीत दाखल
मागील दोन वर्षांपासून महाराष्ट्र राज्य ग्रामसेवक संघटनेच्यावतीने ग्रामविकासाचा आणि स्वच्छतेचा संदेश देत नगर ते पंढरपूर अशी ही पायी दिंडी काढली जाते. यावर्षी या दिंडीत राज्यभरातील सुमारे २०० हून अधिक ग्रामसेवक सहभागी झाले आहेत. नगर ते पंढरपूर दरम्यानच्या वारी मार्गावरील प्रत्येक गावात कीर्तन आणि प्रवचनाच्या माध्यमातून दिंडीने जलयुक्त शिवार, वृक्षलागवड, रोजगार हमी योजनांसह ग्रामविकास खात्याच्या विविध योजनांची माहिती आणि जनजागृती केली.