सांगली- आक्रमक झाल्याशिवाय शिवसेनेला धडा शिकवता येत नाही, अशा शब्दात माजी खासदार निलेश राणे यांनी शिवसेनेवर हल्लाबोल केला आहे. तसेच संजय राऊत हे बिनकामाचे आहेत, असा टोलाही निलेश यांनी लगावला आहे. इस्लामपूरच्या पेठ नाका येथे आयोजित भाजपा कार्यकर्ता मेळाव्यात ते बोलत होते.
सत्तेतील तिन्ही पक्ष लबाड
भाजपाचे प्रदेश उपाध्यक्ष राहुल माळी यांच्यावतीने पेठ नाका या ठिकाणी महाडिक शैक्षणिक संकुलामध्ये विविध कार्यक्रमाचे आयोजन करण्यात आले होते. या निमित्ताने भाजप कार्यकर्ता मेळावा पार पडला. या मेळाव्याला भाजप प्रदेशाध्यक्ष चंद्रकांत पाटील यांच्यासह माजी खासदार निलेश राणे, माजी कृषी राज्यमंत्री सदाभाऊ खोत यांनीही उपस्थिती लावली होती. यावेळी बोलताना निलेश राणे यांनी महाविकास आघाडी सरकार व शिवसेनेवर जोरदार हल्लाबोल केला आहे. निलेश राणे म्हणाले, महाराष्ट्रमध्ये तिघांचे सरकार आहे आणि तिघेही लबाड आहेत. या तीन लबाड पक्षांना भाजपला सामोरे जायचे आहे.
शिवसेनेला धडा शिकवण्यासाठी आक्रमक व्हा