सांगली- राष्ट्रीय नागरिक नोंदणी (एनआरसी) आणि नागरिकत्व सुधारित कायद्या (सीएए) विरोधात सांगलीमध्ये सर्वपक्षीय मोर्चा काढण्यात आला. संविधान सरंक्षणाची हाक देत काढण्यात आलेल्या या मोर्चामध्ये जलसंपदा मंत्री जयंत पाटील, कृषी राज्यमंत्री विश्वजीत कदम यांनीही रस्त्यावर उतरत केंद्र सरकारच्या एनआरसी आणि सीएए कायदाला विरोध दर्शवला. राष्ट्रवादी काँग्रेस आणि काँग्रेसच्या आमदारांसह विविध सामाजिक संघटना व नागरिकांनाही या मोर्चात सहभाग घेतला होता.
सीएए आणि एनआरसी विरोधात सांगलीमध्ये सर्वपक्षीय मोर्चा
एनआरसी, सीएए आणि एनपीआर रद्द करा, या मागणीसाठी सांगली शहरातून हा मोर्चा निघाला. पुष्पराज चौक येथील कर्मवीर भाऊराव पाटील यांच्या पुतळ्याला पुष्पहार अर्पण करून या मोर्चाला सुरुवात झाली. सांगली शहरातल्या प्रमुख मार्गावरून स्टेशन चौकापर्यंत हा मोर्चा निघाला.