रत्नागिरी -मुंबई पुण्याहून रत्नागिरी जिल्ह्यात आलेल्या चाकरमान्यांना आता गावातच रेशन धान्य मिळणार आहे. शिमगोत्सवासाठी मुंबई-पुण्यातून हजारो चाकरमानी रत्नागिरी जिल्ह्यात आले होते. मात्र, कोरोना विषाणूच्या पार्श्वभूमीवर लॉकडाऊन सुरू असल्याने हे चाकरमानी गावातच अडकून पडले आहेत. या हजारो चाकरमान्यांना आणि त्यांच्या कुटुंबीयांना ऑनलाईन पोर्टेबिलिटीचा वापर करून मुंबईतील रेशन कार्डवरील धान्य गावातील रेशन दुकानांवर उपलब्ध करावे, असा आदेश जिल्हा पुरवठा अधिकारी महेश पाटील यांनी काढला आहे.
कोरोनामुळे गावात अडकलेल्या चाकरमान्यांना गावातच रेशन धान्य मिळणार