रायगड- मुबंई पुणे एक्सप्रेस वेवर खोपोली एक्झिटजवळ युटर्न घेताना पुलरसह ट्रेलर अडकल्याने तासभरापासून मुंबईकडे जाणारी वाहतुक बंद झाली होती. तर पुण्याकडे जाणारी एक लेनदेखील बंद झाली होती. आयआरबी यंत्रणांनी पुलरसह लाबंलचक ट्रेलर बाजुला केल्याने एका तासानंतर वाहतूक पुन्हा सुरु झाली आहे.
पुलर ट्रेलर हा पुणेकडून खोपोलीकडे जाण्यासासाठी येत होता. त्यावेळी खोपोली एक्झिटकडे वळण्याच्या मार्गावर ट्रेलर आला असता पुलरची लांबी जास्त असल्याने तो एक्स्प्रेस वेच्या मधोमध अडकला. त्यामुळे मुंबईकडे जाणारी वाहतूक बंद झाली होती. आयआरबी यंत्रणेला याबद्दलची माहिती मिळताच घटनास्थळी येऊन ट्रेलर बाजूला करण्यात आला. त्यानंतर वाहतूक सुरळीत सुरू झाली आहे. मात्र, या घटनेमुळे प्रवाशांचे हाल झाले, तर काही जणांनी जुन्या महामार्गाने प्रवास सुरू केला.