दौंड (पुणे) -भरधाव पिकअपने दुचाकीला जोरदार धडक दिली. या अपघातात एका महिलेचा जागीच मृत्यू झाला. तर एक पुरूष जखमी झाला आहे. शुक्रवारी सायंकाळच्या सुमारास पुणे-सोलापूर राष्ट्रीय महामार्गावरील कुरकुंभ येथे ही घटना घडली. दरम्यान, जखमीला खासगी रुग्णालयात उपचारासाठी दाखल करण्यात आले आहे.
पुणे-सोलापूर महामार्गावर कुरकुंभ येथील हॉटेल फौजीच्या समोर असणाऱ्या रस्ता दुभाजकाच्या ठिकाणी हा अपघात झाला. पिकअप (एमएच ४५ टी २२२८ ) ने भरधाव वेगाने दुचाकी (एमएच २५ एइ ४४२४) ला धडक दिली. महामार्गावर रस्ता दुभाजक असताना देखील या परिसरात हायमास विजेची व्यवस्था करण्यात आलेली नसून या परिसरात यापूर्वी देखील अनेक जीवघेणे अपघात झाले आहेत.