पुण्यात धावत्या एसटी बसला अचानक आग, सर्व प्रवासी सुखरुप

ठाण्याहून पुण्याला येत असताना बाणेर बावधन रस्त्यावर गाडीतून धूर येऊ लागला. त्यानंतर अचानक बसने पेट घेतला आणि काही वेळातच ही संपूर्ण एसटी भस्मसात झाली. या बसमध्ये ३५ प्रवाशी होते.

पुणे - शहरातील बावधन परिसरात एसटी बसला आग लागल्याची घटना आज घडली. या दूर्घटनेत संपूर्ण बस जळून खाक झाली आहे.

हेही वाचा - तारापूर औद्योगिक वसाहतीत केमिकल कंपनीला आग

ठाण्याहून पुण्याला येत असताना बाणेर बावधन रस्त्यावर गाडीतून धूर येऊ लागला. त्यानंतर अचानक बसने पेट घेतला आणि काही वेळातच ही संपूर्ण एसटी भस्मसात झाली. या बसमध्ये ३५ प्रवाशी होते. वाहक, चालकासह प्रवासी तातडीने गाडीतून उतरल्याने जीवितहानी टळली. घटनेची माहिती मिळताच अग्निशमन दलाने घटनास्थळी पोहोचून आग नियंत्रणात आणली. या घटनेमुळे या रस्त्यावरील वाहतूक काही काळ विस्कळीत झाली होती.

हेही वाचा - हिंगणघाट जळीत प्रकरण : पीडितेने रुग्णालयात नेताना व्यक्त केली होती 'ही' भावना