पुणे - सर्वोच्च न्यायालयाच्या निर्देशानुसार 31 मार्चनंतर BS-४ इंजिन प्रकारच्या वाहनांची नोंदणी करण्यास बंदी घालण्यात आली आहे. वाढत्या प्रदुषणाच्या पार्श्वभूमीवर हा निर्णय घेण्यात आला आहे. त्यामुळे नवीन वाहन खरेदी करताना त्या वाहनाची नोंदणी 31 मार्चपूर्वी होणे आवश्यक असून त्यानंतर BS-४ इंजिन प्रकारचे वाहन खरेदी केल्यास त्याची नोंदणी होणार नसल्याचे पुण्याचे परिवहन अधिकारी अजित शिंदे यांनी स्पष्ट केले.
वाढत्या प्रदूषणाच्या पार्श्वभूमिवर सर्वोच्च न्यायालयाने BS-४ इंजिन प्रकाराच्या वाहनांची नोंदणी 31 मार्चनंतर करण्यास बंदी घातली आहे. सध्या बाजारात BS-६ प्रकारातील वाहने उत्पादित केली जात असून त्यांची विक्री केली जात आहे. BS-४ प्रकारातील वाहनांचे उत्पादन न करण्याचे आदेश यापूर्वीच कंपन्यांना देण्यात आले आहेत. दरम्यान, ज्या वितरकांकडे BS-४ वाहनांचा स्टॉक आहे ते वितरक अशा गाड्या ऑफर देऊन विकत आहेत. परंतू या वाहनांची नोंदणी 31 मार्चच्या पूर्वी न झाल्यास त्या स्क्रॅप होणार आहेत.
हेही वाचा -कोरोनाला रोखण्यासाठी पुण्यातील रिक्षाचालकाची भन्नाट शक्कल