पुणे -शहराजवळील चासकमान जलाशयाच्या जवळ गुंडाळवाड, बुरसेवाडी (बीबी) येथे असणाऱ्या डोंगरावर श्री शिव शंभू महादेवाच्या दर्शनासाठी भाविकांनी डोंगराची उंच चढण पार करत मोठी गर्दी केली आहे. तिसऱ्या श्रावणी सोमवार निमित्त येथे भाविकांमध्ये उत्साह पाहायला मिळत आहे.
भीमा नदीच्या काठावर असणाऱ्या श्री शिव शंभू महादेवाच्या डोंगराची एक वेगळी आख्यायिका आहे. हा डोंगर हा शिवलिंगासारखा दिसतो. आज श्रावण महिन्याच्या तिसऱ्या सोमवारी भीमाशंकरला जाणारा प्रत्येक भाविक श्री शिव शंभू महादेवाचे दर्शन घेऊनच पुढे जात आहे. चिमुकल्यांसह, वयोवृद्ध नागरिक, तरुण असे सर्वजण एक किलोमीटर उंच डोंगर कड्यावर वाट काढत श्री शिव शंभू महादेवाच्या दर्शनाला जात आहेत.