पुणे -देशात बेकायदेशीर राहत असलेल्या पाकिस्तान आणि बांगलादेशी घुसखोरांविरोधात महाराष्ट्र नवनिर्माण सेनेकडून आज महामोर्चा काढण्यात येत आहे. त्यासाठी पिंपरी-चिंचवड आणि मावळ परिसरातून मुंबईच्या दिशेने मनसेचे शेकडो कार्यकर्ते रवाना झाले. उर्से टोल नाक्यावर मनसे कार्यकर्ते एकत्र जमा झाले होते.
मनसेच्या मोर्चासाठी पुण्यातून शेकडो मनसैनिकांची मुंबईकडे कूच महाराष्ट्र नवनिर्माण सेनेचे अध्यक्ष राज ठाकरे यांनी पक्ष्याचा झेंडा बदलताच देशासह महाराष्ट्रात बेकायदेशीरपणे राहत असलेल्या बांगलादेशी आणि पाकिस्तानी नागरिकांविरोधात भूमिका घेतली. त्यांना देशातून हाकलवण्याच्या मागणीसाठी मुंबईत लाखो कार्यकर्त्यांसह राज ठाकरे विराट मोर्चा काढणार आहेत. त्यासाठी पिंपरी-चिंचवड आणि मावळ परिसरातून शेकडो कार्यकर्ते, पदाधिकारी मुंबईच्या दिशेने सकाळी रवाना झाले. यावेळी मनसे कार्यकर्त्यांनी एकत्रित येत राज ठाकरे यांच्या नावाचा जयघोष केला. 