पुणे -जिल्ह्यातील वढू बुद्रुक येथे विहिरीत पडून बिबट्याचा मृत्यू झाल्याची घटना आज(शुक्रवार) दुपारी समोर आली आहे. स्थानिक नागरिक व वनविभागाच्या मदतीने या बिबट्याला विहिरीतून बाहेर काढून शवविच्छेदनानंतर त्याच्यावर अंत्यसंस्कार करण्यात आले आहे.
शिकारीच्या शोधात भटकंती करताना बिबट्याचा विहिरीत पडून मृत्यू
४ ते ५ दिवसांपूर्वी शिकारीच्या शोधात भटकंती करत असताना विहिरीला कठडा नसल्याने हा बिबट विहिरीत पडल्याचा अंदाज व्यक्त केला जात आहे. विहिरीच्या परिसरात बिबट्याच्या मृत्यूमुळे दुर्गंधी पसरल्याने ही घटना समोर आली.