पुणे -आंबेगाव विधानसभा मतदारसंघातून शिवसेनेने शेवटच्या दिवशी राजाराम बाणखेले यांना उमेदवारी दिली. मंचर शहरातून पारंपरिक वाद्यांच्या गजरात मिरवणूक काढून बाणखेले यांनी आपला उमेदवारी अर्ज दाखल केला.
आंबेगावातून दिलीप वळसे-पाटील विरुद्ध राजाराम बानखेले अशी रंगणार लढत
मी पंधरा वर्षांत काय केले अशी टीका माझ्यावर केली जात आहे. तुम्ही तीस वर्षांत काय केले याचा जनतेला हिशोब द्यावा, अशा शब्दांत विद्यमान आमदार दिलीप वळसे-पाटलांवर माजी खासदार शिवाजी आढळराव-पाटलांनी निशाणा साधला. मंचर येथील जाहीर सभेत ते बोलत होते.