पुणे- आमदार अनिल भोसले आणि त्यांच्या पत्नी भाजप नगरसेविका रेश्मा भोसले यांच्यासह 16 जणांवर, शिवाजीराव भोसले सहकारी बँक घोटाळा प्रकरणात शिवाजी नगर पोलीस ठाण्यात गुन्हा दाखल करण्यात आला असून तो आर्थिक गुन्हे शाखेकडे वर्ग करण्यात आला आहे.
आमदार अनिल भोसले, नगरसेविका रेश्मा भोसले यांच्यासह 16 जणांवर गुन्हा दाखल
आमदार अनिल भोसले आणि त्यांच्या पत्नी भाजप नगरसेविका रेश्मा भोसले यांच्यासह 16 जणांवर 71 कोटी 68 लाखांच्या अपहाराप्रकरणी गुन्हा दाखल झाला आहे.
प्रातिनिधीक छायाचित्र
अनिल भोसले व्यवस्थापकीय संचालक असलेल्या या बँकेतील पैसे त्यांनी संचालक मंडळाशी संगनमत करून बनावट नोंदींच्या आधारे स्वतःसाठी वापरले आणि त्यामुळे बँकेचे 71 कोटी 68 लाख रुपयांचे नुकसान झाल्याचे तक्रारीमध्ये म्हटले आहे.
माहिती देताना पोलीस उपायुक्त संभाजी कदम
बँकेत जमा झालेले ठेवीदारांचे पैसे खोट्या नोंदी करून परस्पर वापरल्याचे रिझर्व्ह बँकेने केलेल्या लेखापरीक्षणात उघड झाले. त्यानंतर ठेवीदाराने दिलेल्या तक्रारीवरून पुणे पोलिसांनी हा गुन्हा नोंद केला आहे. शिवाजीराव भोसले सहकारी बँकेचे संचालक मंडळ यापूर्वीच बरखास्त करण्यात आले असून रिझर्व्ह बँकेने शिवाजीराव भोसले सहकारी बँकेवर प्रशासक नेमलेले आहेत. बँकेत हजारो ठेवीदारांचे जवळपास 300 कोटी रुपये अडकले आहेत. अनिल भोसले राष्ट्रवादी काँग्रेसकडून विधानपरिषदेवर निवडून गेले असले तरी 3 वर्षांपासून त्यांचा भाजपशी घरोबा आहे.