पुणे- अहमदनगर महामार्गावर पुण्याहुन-औरंगाबादला जाणाऱ्या शिवशाही बसचा रविवारी रात्री भीषण अपघात झाला आहे. या अपघातामध्ये चालकासह जवळपास १५ प्रवासी गंभीर जखमी झाले आहेत. एकूण ४१ प्रवासी घेऊन जाणारी ही बस राजंणगाव गणपती येथे आली असता, रस्त्याच्या कडेला असलेल्या झाडाला धडकून हा अपघात झाला आहे. अपघामधील सर्व जखमी प्रवाशांवर रुग्नालयात उपचार सुरू आहेत.
पुण्याहून-औरंगाबादसाठी रविवारी रात्री निघालेली शिवशाही ही बस रांजनगाव येथे आली चालकाचे गाडीवरील अचानक नियंत्रण सुटले आणि ती बस समोरच्या झाडावर जाऊन आदळली. या अपघाताची माहिती मिळताच तेथील स्थानिकांनी घटनास्थळी धाव घेऊन बचाव कार्याला सुरुवात केली. त्यानंतर १०८ या रुग्णवाहिकेतून सर्व जखमी प्रवाशांना उपचारासाठी रुग्णालयात दाखल करण्यात आले.
एसटी महामंडळाच्या माध्यमातून प्रवाशांना सुखकर प्रवास मिळावा यासाठी वातानुकूलित सुविधा असणारी एसटी महामंडळाची शिवशाही बस उपलब्ध करून देण्यात आली. मात्र, शिवशाहीचा हा प्रवास जिवघेणा ठरत असल्याचे चित्र आता पर्यंत शिवशाही बसचा अनेकवेळा झालेला अपघातातून दिसून येत आहे.
