परभणी- केंद्रातील भाजप सरकारने देशात नागरिकत्व सुधारणा कायदा लागू केला आहे. एनआरसी, सीएए या कायद्यांना देशातील मुस्लीम बांधवांकडून विरोध होत आहे. याच पार्श्वभूमीवर दिल्लीतील शाहीन बाग येथे बेमुदत धरणे आंदोलन सुरू करण्यात आले आहे. या आंदोलनाला पाठिंबा म्हणून परभणीत देखील मुस्लीम बांधवांनी बेमुदत धरणे आंदोलन सुरू केले आहे.
माहिती देताना 'ईटीव्ही भारत' प्रतिनिधी
देशभरात गाजत असलेल्या नागरिकत्व संशोधन विधेयकाला अजूनही विरोध कायम आहे. देशात ठिक ठिकाणी आंदोलने करण्यात येत आहेत. गेल्या महिन्याभरापासून दिल्ली येथील शाहीन बाग येथे एनआरसी विरोधात आंदोलन करण्यात येत आहे. या आंदोलनाला पाठिंबा देण्यासाठी परभणीत विविध मुस्लीम सामाजिक संघटनेकडून बेमुदत धरणे आंदोलनाला सुरुवात झाली आहे.