पालघर -अष्टविनायक नागरी सहकारी पतसंस्थेच्या संचालिकेची कार्यालयातच धारदार शस्त्राने वार करून हत्या केल्याची धक्कादायक घटना घडली आहे. साधना रामकृष्ण चौधरी (वय 52) असे मृत संचालिकेचे नाव असून या घटनेने परिसरात एकच खळबळ उडाली आहे.
पालघर रेल्वे स्टेशन नजीक असलेल्या ओम शांती देवा अपार्टमेंटमध्ये अष्टविनायक नागरी सहकारी पतसंस्थेचे कार्यालय आहे. या कार्यालयात अज्ञात इसमाने साधना चौधरी यांच्या डोक्यात धारदार शस्त्राने वार करून त्यांची हत्या केली. हत्या करून अज्ञात आरोपी फरार झाला असून संस्थेच्या कार्यालयात त्यांचा मृतदेह रक्तबंबाळ अवस्थेत आढळून आला.