पालघर - पालघर तालुक्यातील पडघा येथील आश्रमशाळेत शिकणाऱ्या एका विद्यार्थ्याचा मंगळवारी सकाळी फीट आल्यानंतर काही वेळातच मृत्यू झाल्याची घटना घडली आहे. आकाश लक्ष्मण उराडे असे मृत विद्यार्थ्याचे नाव आहे. तो ग्रामीण शिक्षण संस्था उमरोळी संचलित तु.ल.पाटील माध्यमिक आश्रमशाळा येथे इयत्ता पाचवीत शिकत होता.
पालघरमधील पडघा आश्रमशाळेतील विद्यार्थ्याचा मृत्यू
आकाश उराडे या विद्यार्थ्याला मंगळवारी सकाळी साडेनऊच्या सुमारास अचानक फीट आली व तो चक्कर येऊन जमिनीवर कोसळला. त्यानंतर त्याला आश्रमशाळा प्रशासनाने पालघर ग्रामीण रुग्णालयात दाखल केले. मात्र उपचारादरम्यान डॉक्टरांनी आकाशला मृत घोषित केले.