येवला (नाशिक) -येवला तालुक्यातील पूर्व भागातील राजापूर सह परिसरात उन्हाळ्याच्या सुरुवातीलाच विहिरींनी तळ गाठले आहे. त्यामुळे टँकरने पाणी विकत घेऊन कांदा पिक वाचविण्यासाठी शेतकऱ्यांनी टँकरचा पर्याय अवलंबला आहे. शेतकऱ्यांना पाण्याअभावी कांदा पिक सोडून देण्याची वेळ आली आहे. बऱ्याच शेतकऱ्यांनी कांदा वाचवण्यासाठी धडपड केली असून टँकरद्वारे पाणी विकत घेऊन पीक वाचविण्याची धडपक शेतकरी करत आहे.
कांदा उत्पादक शेतकरी आणि संबंधित व्यक्तींनी दिलेली प्रतिक्रिया
3 हजार रुपये टँकर
तालुक्यातील राजापूर, ममदापुर, देवदरी या पूर्व भागातील विहिरींनी तळ गाठला असल्याने पाणी टंचाई निर्माण झाली आहे. कांदा उत्पादक शेतकरी आपले पीक वाचवण्याकरिता 3 हजार ते 3200 रुपये देऊन पाणी खरेदी करून आपल्या पिकांना देत आहे. तर जनावरांसाठी देखील पाणी विकत घेण्याची वेळ शेतकऱ्यांवर आली आहे.