नाशिक -अहेरगाव-पालखेड डाव्या कालव्यात एका महाविद्यालयीन तरुणीचा मृतदेह सापडल्याने घटना पिंपळगाव बसवंत शहरात खळबळ उडाली आहे. दिपीका अजय ताकाटे (वय 17), असे या मुलीचे नाव असून तिचा गळा दाबून खून केल्याचे स्पष्ट झाले आहे. पोलिसांनी 48 तासात आरोपी चुलत भाऊ विक्रम गोपीनाथ ताकाटे (रा.कारसुळ) व त्याचा मित्र सौरभ दत्तात्रय निफाडे (रा.खडकजांब) या दोघांना अटक केली आहे.
आरोपी पोलिसांच्या ताब्यात -
नाशिकच्या अहेरगाव-पालखेड डाव्या कालव्यात काही दिवसांपूर्वी एका महाविद्यालयीन तरुणीचे मृतदेह आढळला होता. पिंपळगाव बसवंत जवळील कारसुळ येथील दीपिका अजय ताकाटे या विद्यार्थिनीचा हा मृतदेह असल्याची माहिती पोलीस तपासात समोर आली होती. हा घातपात असल्याचा संशय दीपिका ताकाटे हिच्या कुटुंबीयांनी व्यक्त केल्यानंतर पोलिसांनी यादृष्टीने तपास सुरू केला होता. या तरुणीच्या चुलतभावानेच आपल्या मित्राच्या मदतीने तिची हत्या केल्याची धक्कादायक महिती पोलीस तपासात समोर आली आहे. नाशिक ग्रामीण पोलिसांनी दोघा आरोपींना अटक केली आहे.