नांदेड - जिल्ह्यातील अर्धापूर शहरातील तामसा मार्गावर असलेले दोन दवाखाने, किराणा दुकान व कृषी सेवा केंद्र यांचे शटर तोडून जवळपास २५ हजारांची रोख रक्कम चोरट्यांनी पसार केली. चोरीचा हा प्रकार रुग्णालयातील सीसीटीव्ही कॅमेऱ्यात कैद झाला आहे. ही घटना बुधवारी पहाटे घडली. याप्रकरणी अर्धापूर पोलीस ठाण्यात गुन्हा नोंद करण्यात आला आहे.
अर्धापूर
याबाबत अधिक माहिती अशी, शहरातील तामसा मार्गावर असलेले डाॅ. गजानन कड यांच्या 'परी' रुग्णालयात अज्ञात तीन चोरट्यांनी शटर तोडून अंदाजे १५ हजार रुपये चोरले. हा प्रकार सीसीटीव्ही कॅमेऱ्यात कैद झाला आहे. तर राजेश मामीडवार यांचे अक्षय किराणा दुकान तोडून नगदी ५ हजार रुपये, डाॅ. शिवाजी देशमुख यांच्या कामाई मेडीकल येथील नगदी ४ हजार ३०० रुपये अशा तिन्ही ठिकाणी शटर तोडून रोख २५ हजार लंपास केले.