नागपूर - येथील एका 33 वर्षीय महिलेने पोलीस दलाच्या पोलीस मुख्यालयातील एका पोलीस कर्मचाऱ्यावर बलात्काराचा आरोप लावला आहे. विक्रमसिंह बनाफर असे आरोपी पोलिसाचे नाव आहे. त्याला बलात्काराच्या आरोपाखाली अटक करण्यात आली आहे.
महिलेने केला पोलीस शिपायावर बलात्काराचा आरोप; नागपुरातील प्रकार
पीडित महिलेची तक्रार आहे, की विक्रमसिंह बनाफर सोबत तिची ओळख होती. मात्र, काही महिन्यांपूर्वी आरोपीने तिला बेलतरोडी भागात मित्राच्या फ्लॅटमध्ये नेऊन गुंगीचे औषध देऊन तिच्यावर बलात्कार केला. तसेच त्यावेळची चित्रफीत मोबाईलमध्ये बनविली होती. पीडितेची तक्रार आहे, की त्याच चित्रफितच्या आधारे आरोपीने तिला ब्लॅकमेल करणे, धमकावणे सुरू केले होते.