नागपूर- पेट्रोल पंपावर पेट्रोल भरण्यासाठी आलेल्या २ दुचाकींना अचानक आग लागल्याची घटना घडली. ही घटना शहराच्या बगडगंज परिसरातील इंडियन ऑइल पेट्रोल पंपावर घडली. सुदैवाने या जळीतकांडात कोणतीही जीवित झाली नाही. मात्र, दोन दुचाकी जळून खाक झाल्या आहेत.
चारकरमानी मंडळी सकाळच्या वेळी कामावर निघतात. त्यामुळे वाहनचालकांची या सकाळी ११ ते १२ च्या दरम्यान पेट्रोलपंपावर जास्त गर्दी होती. त्यावेळी पंपावर काम करणाऱ्या एका कर्मचाऱ्याने पेट्रोलची गुणवत्ता तपासण्यासाठी एक बकेट-भरून पेट्रोल काढले. त्यावेळी शेजारी उभ्या असलेल्या दुचाकीवरील तरुण मोबाईलवरून संभाषण होता. यावेळी अचानक बकेटमधील पेट्रोलचा भडका उडाला. आग लागताच कर्मचाऱ्याने ती बकेट फेकून दिली. तेव्हा काही प्रमाणात पेट्रोल खाली सांडले आणि ते पेट्रोल त्या दुचाकींपर्यंत जाऊन पोहोचले. ज्यामुळे त्या दोन्ही दुचाकींना आग लागली. या घटनेमुळे पेट्रोलपंप परिसरात एकाच गोंधळ उडाला होता.
आग पसरू नये, यासाठी पंपावरील कर्मचारी प्रयत्न करत होते. घटनेचे प्रसंगावधान राखत अग्निशमन विभागाची एक गाडी घटनास्थळी दाखल होऊन त्यांनी आग आटोक्यात आणली. या घटनेत २ दुचाकी जळून खाक झाल्या आहेत.