शरद पवार हुश्शार राजकारणी, 'यंदा जमणार नाही' त्यांना माहीत आहे - गडकरी
शरद पवार हे हुशार राजकारणी आहेत, यावेळी काही जमणार नाही, त्यांना माहिती आहे. म्हणून त्यांनी हे सगळे जाणून माघार घेतली आहे, असे केंद्रीय मंत्री नितीन गडकरी म्हणाले. शरद पवारांच्या निवडणूक न लढण्याच्या निर्णयावरून सध्या राज्यात जोरदार चर्चा होत आहे.
नागपूर - शरद पवार हे हुशार राजकारणी आहेत, यावेळी काही जमणार नाही, त्यांना माहिती आहे. म्हणून त्यांनी हे सगळे जाणून माघार घेतली आहे, असे केंद्रीय मंत्री नितीन गडकरी म्हणाले. शरद पवारांच्या निवडणूक न लढण्याच्या निर्णयावरून सध्या राज्यात जोरदार चर्चा होत आहे. यावर गडकरींनी प्रतिक्रिया देत पराभवाचा अंदाज आल्यानेच पवारांनी माघार घेतल्याचे म्हटले आहे.
आज पर्यंतच्या इतिहासात सरकारने जलसंवर्धनासाठी इतका निधी कधी दिला नाही. देशात जलसंवर्धनाचे सर्वात उत्कृष्ठ काम महाराष्ष्ट्रात झाले आहे. सरकारची ही पहिली ५ वर्षे आहेत, ज्यात सर्वाधिक जलसंवर्धनाचे कामे झाली आहेत, जे गेल्या २५ वर्षात झाली नव्हती, असेही गडकरी म्हणाले.
उद्धव ठाकरेंच्या विषयी बोलताना ते म्हणाले की, दलित समाजाला भीती दाखविण्याचा प्रयत्न विरोधक करत आहेत. ते जातीवादक आहेत, ते हिंदुत्ववादी आहेत. मात्र, उद्धव ठाकरेंनी कधी जातीवादक काम केले नाही, उमेदवाराला कधी तिकीट देण्यासाठी त्यांनी जातीचा विचार केला नाही.