नागपूर - माजी मुख्यमंत्री देवेंद्र फडणवीस यांचा ड्रीम प्रोजेक्ट म्हणून नावारूपास येत असलेल्या समृद्धी महामार्गाला शिवसेनाप्रमुख बाळासाहेब ठाकरे यांचे नाव देण्याची मागणी जोर धरत आहे. असे असताना आता भाजपच्या आमदारांनीसुद्धा या प्रकल्पास डॉ. बाबासाहेब आंबेडकर यांचे नाव देण्याची मागणी केली आहे.
समृद्धी महामार्गाला डॉक्टर बाबासाहेब आंबेडकर यांचे नाव देण्याची मागणी
समृद्धी महामार्गाला कोणाचे नाव द्यायचे याबाबतचा वाद मोठा होत चालला आहे. या महामार्गाला शिवसेनाप्रमुख बाळासाहेब ठाकरे यांचे नाव देण्याची मागणी शिवसेनेनी केली होती. त्यात आता भाजप आमदारांनी या महामार्गाला डॉ. बाबासाहेब आंबेडकर यांचे नाव देण्याची मागणी केली आहे.