नागपूर- गाईच्या दुधाला प्रति लिटर १० रुपये, तर दुधाच्या भुकटीला प्रति किलो ५० रुपये अनुदान द्या, या मागणीसाठी नागपुरात भाजपकडून विभागीय आयुक्तांना निवेदन देण्यात आले. माजी मंत्री चंद्रशेखर बावनकुळे यांच्या नेतृत्वात हे निवेदन देण्यात आले. तसेच सरकारकडून ग्रामपंचायतीवर प्रशासक नेमण्याचा निर्णय रद्द करण्यात यावा, अशी मागणीही या निवेदनातून करण्यात आली आहे. निवेदनाची दखल न घेतल्यास १ आ‌ॅगस्टला राज्यव्यापी आंदोलन करणार असल्याचा इशाराही यावेळी देण्यात आला आहे.
गाईच्या दुधाला प्रति लिटर १० रुपये अनुदान द्या!..
दूध व्यावसायिकांच्या मुद्यावरुन भाजप आक्रमक झाल्याचे दिसून येत आहे. दुधाला प्रति लिटर १० रुपये तर दुधाच्या भुकटीला प्रति किलो ५० रुपये अनुदान द्या, शेतकऱ्यांना मिळणारे अनुदानाचे पैसै थेट त्यांच्या बँकेत जमा झाले पाहिजे अशी मागणी भाजपने केली आहे.