पुण्यानंतर आता नागपुरात गाड्या फोडण्याचे लोण, दुचाकी अन् रिक्षांचे लाखोंचे नुकसान

नागपूरमधील वनदेवी नगर आणि धम्मदीप नगर येथे काही गुंडांनी रात्रीच्या वेळी रस्त्यावर उभ्या असलेल्या दुचाकी आणि ऑटो रिक्षांच्या काचा फोडून अनेक गाड्यांची नासधूस केल्याची घटना घडली आहे.

नागपूर - शहरातील वनदेवी नगर आणि धम्मदीप नगर येथे काही गुंडांनी रात्रीच्या वेळी रस्त्यावर उभ्या असलेल्या दुचाकी आणि ऑटो रिक्षांच्या काचा फोडून अनेक गाड्यांची नासधूस केल्याची घटना घडली आहे. हा संपूर्ण घटनाक्रम सीसीटीव्हीमध्ये कैद झाला असून आरोपींनी सर्वाधिक नुकसान हे दुचाकी आणि ऑटोचे केले आहे.

हेही वाचा -

या घटनेत आरोपींनी धारधार शस्त्र, लाकडी दांडके आणि दगड मारून गाड्या फोडल्या आहेत. असामाजिक तत्व असलेल्या काही आरोपींच्या एका गटाने हे कृत्य केल्याचे सीसीटीव्हीमध्ये कैद झाले आहे. याप्रकरणी कळमना पोलिसांनी गुन्हा नोंद केला असून घटनेचा तपास सुरू केला आहे. या घटनेमुळे नागरिकांमध्ये रोष निर्माण झाला असून आरोपींना अटक करून कारवाई करण्याची मागणी केली आहे.