Uddhav Thackeray : शिवसेनेवर जेव्हा आघात होतो, दसपटीने नव्हे तर शतपटीने वाढली; उद्धव ठाकरे

Uddhav Thackeray Challenge To shinde Group: शिवसेना संपवायचा अनेकदा प्रयत्न केला. जेवढे प्रयत्न होतात, शिवसैनिक तेढव्या जोमाने काम करतात. आताही शिवसेना संपवायला निघालेल्यांना कल्पना नव्हती. पण ज्यावेळी शिवसेनेवर आघात झाले, तेव्हा ती दसपटीने नाहीतर शतपटीने मोठी झाली. आजही शिवसेनेत येणाऱ्यांचा ओघ मोठा आहे, असा सूचक इशारा शिवसेना पक्षप्रमुख उद्धव ठाकरेंनी विरोधकांना दिला आहे.

मुंबई: शिवसेना संपवायचा अनेकदा प्रयत्न केला. जेवढे प्रयत्न होतात, शिवसैनिक तेढव्या जोमाने काम करतात. आताही शिवसेना संपवायला निघालेल्यांना कल्पना नव्हती. पण ज्यावेळी शिवसेनेवर आघात झाले, तेव्हा ती दसपटीने नाहीतर शतपटीने मोठी झाली. आजही शिवसेनेत येणाऱ्यांचा ओघ मोठा आहे, असा सूचक इशारा शिवसेना पक्षप्रमुख उद्धव ठाकरेंनी विरोधकांना दिला आहे. Uddhav Thackeray Challenge To shinde Group ठाण्यातही शिवसेनेचा आवाज कायम असल्याचे ठाकरे म्हणाले.

भाजप शिंदे आणि राज ठाकरेंवर टीकाशिवसेना पक्षप्रमुख उद्धव ठाकरेंच्या उपस्थितीत माजी मंत्री आणि यवतमाळचे भाजपचे माजी आमदार संजय देशमुख यांनी शिवसेनेत प्रवेश केला आहे. त्यानंतर ठाकरेंनी विरोधकांवर जोरदार हल्लाबोल केला आहे. शिंदे गटातील संजय राठोड यांचे ते विरोधक मानले जातात. त्यांच्या शिवसेना प्रवेशावेळी उद्धव ठाकरेंनी भाजप शिंदे आणि राज ठाकरेंवर टीका केली आहे. शिंदे गटाला निवडणूकच लढवायची नव्हती, तर माझे चिन्ह गोठवण्याची एवढी घाई कशासाठी केली, असा सवाल उद्धव ठाकरे यांनी केला आहे. शिंदेंनी शिवसेनेचे चिन्ह गोठवले, नाव गोठवले आणि लढायला, मात्र भाजपला पुढे केले, अशी टीका उद्धव ठाकरे यांनी केली आहे.

उद्धव ठाकरे यांनी भाजपला टोला लगावला अंधेरी पोटनिवडणुकीत भाजपने उमेदवार माघारी घ्यावा, अशी विनंती राज ठाकरे यांनी केली. ही विनंती भाजपने राज ठाकरेंकडून करुन घेतल्याचा आरोप केला जात आहे. उद्धव ठाकरे यांनी याच मुद्द्यावरून शिंदे भाजपाला खडे बोल सुनावले आहे. अंधेरी पोट निवडणुकीत भाजपला तोंडावर आपटण्याची भीती होती. त्यामुळे निवडणुकीत माघार घ्यायची होती. स्वतःला माघार घेता येत नव्हती. त्यामुळे कुणाला तरी विनंती करावी लागली. विनंती करा… विनंती करा म्हणून फिरत होते, असा टोला उद्धव ठाकरे यांनी भाजपला लगावला आहे.

उद्धव ठाकरे विरोधकांना ठणकावलेमाझी भूमिका शिक्षका सारखी झाली आहे. विद्यार्थी सतत बदलत आहेत, पण शिक्षक एकच आहे. मला बोलायचे तेच असते, असे ठाकरे म्हणाले. तसेच आजवर शिवसेनेला संपवण्याचा प्रयत्न झाला आहे. शिवसेना संपली नाही. उलट शिवसेना जोमाने वाढली. शिवसेनेत येण्याचा ओघ वाढत आहे. वेगवेगळ्या धर्माचे लोक येऊन भेटत आहेत. त्यामुळे शिवसेनेचे काय होणार, हा प्रश्न मला नाही. पण देशाच्या लोकशाहीचे काय होणार, हा प्रश्न आहे, असे उद्धव ठाकरे विरोधकांना ठणकावले आहे.

तुम्ही ठाण्यात सभा लावा, मी आलो असे समजाठाण्यातील सर्व चिडीचूप झाले आहेत, असे चित्र निर्माण करण्याचा प्रयत्न केला आहे. मात्र, सर्व चिडीने पेटून उठले आहेत. माझ्या हातात काही नसले तरी, माझ्या हाताला ताकद देण्याचे काम तुम्ही करत आहात. पोहरादेवीच्या दर्शनाला लवकरच येणार आहे. कुठे आणि कधी मेळावा घ्यायचा हे तुम्ही ठरवा. मी दसरा मेळावा होईपर्यंत थांबलो होतो. आता तुम्ही ठाण्यात सभा लावा, मी आलो असे समजा, असा विश्वास उद्धव ठाकरे शिवसैनिकांना दिला आहे.

कोण आहेत संजय देशमुख ?संजय देशमुख हे माजी शिवसैनिक आहेत. यवतमाळच्या दिग्रस मतदासंघातून १९९९ आणि २००४ साली ते अपक्ष विधानसभेवर निवडून गेले होते. २०१९ साली झालेल्या विधानसभा निवडणुकीत संजय राठोड यांच्याविरोधात देशमुख यांना ७३ हजार मते मिळाली होती. देशमुख यांच्या पक्षप्रवेशामुळे संजय राठोड विरोधात शिवसेनेने तगडे आव्हान उभे केले आहे.