मुंबई - दुरुस्तीच्या नावाखाली गोरेगावमधील पालिकेचे एकमेव असलेले सिद्धार्थ रुग्णालय स्थलांतर करून बंद करण्याचा घाट घातला जात आहे. मात्र, या स्थलांतराला गोरेगावच्या नागरिक आणि राजकीय नेत्यांनी विरोध दर्शवला आहे. कोणतीही पूर्वसूचना न देता रुग्णालय बंद करण्याचा पालिका प्रशासनाचा डाव असल्याचा आरोप मनसेने केला आहे.
दुरुस्तीच्या नावाखाली गोरेगावातील सिद्धार्थ रुग्णालय बंद करण्याचा घाट; मनसेचा विरोध
गोरेगाव, ओशिवरा परिसरातील दररोज हजार ते दीड हजार रुग्ण येथील सिद्धार्थ रुग्णालयातील ओपीडीत उपचार घेतात. डायलिसीस, सिटीस्कॅन विभागात सतत रुग्ण येत असतात. सध्या या रुग्णालयच्या दुरुस्तीचे काम हाती घेण्यात येणार असल्यामुळे रुग्णालयातील विभाग इतर पालिकेच्या रुग्णालयात स्थलांतर करण्यात येणार आहेत, असा सूचना दर्शक फलक रुग्णालयात लावण्यात आला आहे. त्यामुळे येथे उपचारासाठी येणारे नागरिक धास्तावले आहेत.