Sanjay Rauts Bail Application : संजय राऊत यांच्या जामीन अर्जावर आज होणार निर्णय

खासदार संजय राऊत यांच्या जामीन अर्जावर (Sanjay Raut Bail Application Result) आज निर्णय देण्यात येईल. संजय राऊत यांच्या प्रकरणात ईडीने लेखी उत्तर (ED Reply in Sanjay Raut Case) सादर केले आहे. संजय राऊत पत्राचाळ घोटाळा प्रकरणात (Patrachal Scam Case) कोठडीत ( Sanjay Raut Police Custody) आहेत. यावर आज जामिनावर निकाल देण्यात येईल. जामिनाबाबत कोर्टने आदेश राखून ठेवला आहे. latest news from Mumbai, Mumbai Crime

मुंबई :शिवसेना खासदार संजय राऊत यांच्या जामीन अर्जावर (Sanjay Raut Bail Application Result) आज निर्णय देण्यात येईल. संजय राऊत यांच्या प्रकरणात ईडीने लेखी उत्तर (ED Reply in Sanjay Raut Case) सादर केले आहे.

पत्राचाळ प्रकरण नेमके काय ? पत्राचाळ किंवा सिद्धार्थ नगर हे मुंबईतल्या गोरेगाव भागात आहे. पत्राचाळीतल्या 672 भाडेकरूंना नवीन घर बांधून द्यायचे आणि उरलेली जागा खासगी विकासकांना विकायची, असा करार गुरू आशिष कन्स्ट्रक्शन प्रायव्हेट लिमिटेडने म्हाडासोबत 2007 साली केला. जीएपीसीएल, म्हाडा आणि भाडेकरू या तिघांमध्ये हा करार झाला होता. पण 14 वर्षांनंतरही हा करार कागदावरच राहिला. पत्राचाळचे रहिवासी अजूनही घर मिळण्याच्या प्रतिक्षेत आहेत. तिघांमध्ये झालेल्या करारानुसार जीएपीसीएल चाळीच्या 672 भाडेकरूंना नवीन घर देईल, तसेच म्हाडासाठी घरे बांधेल आणि उरलेली जागा खासगी विकासकाला विकेल. पण इडीच्या दाव्यानुसार संजय राऊत यांच्या जवळचे असणाऱ्या प्रविण राऊत आणि जीएपीसीएलच्या इतर डायरेक्टर्सनी 672 भाडेकरूंपैकी एकासाठीही घर उभारले नाही. उलट त्यांनी जागा 9 खासगी विकासकांना 901.79 कोटी रुपयांना विकली. याशिवाय जीएपीसीएलने द मिडोस या नावाने नवीन प्रोजेक्ट लॉन्च केले आणि फ्लॅट विकत घेणाऱ्यांकडून 138 कोटी रुपये बुकिंगची रक्कम स्वीकारली.