मुंबई - दुकानासमोर लघुशंका का केली, याचा जाब विचारल्यावर झालेल्या भांडणांमध्ये एकाचा मृत्यू झाला आहे. ही घटना गुरूवारी पहाटे साडेचार वाजेच्या सुमारास घडली. नंदलाल कनोजिया असे मृत व्यक्तीचे नाव आहे.
दुकानासमोर लघवी करताना हटकले म्हणून केला खून
मालाड परिसरातील बाबा सिंग चाळ ठिकाणी नंदलाल कनोजिया ही व्यक्ती त्याच्या पत्नीसह राहत होते. याच ठिकाणी त्यांचे इस्त्रीचे दुकान आहे. गेल्या काही दिवसांपासून या परिसरात राहत असलेल्या अमित सौरव या व्यक्तीसोबत दुकानासमोर कचरा टाकण्याच्या गोष्टीवरून वाद होत होता. गुरुवारी पहाटे आरोपी अमित सौरव हा मृत नंदलाल कनोजिया यांच्या दुकानासमोर लघवी करत आले. कनोजिया यांच्या हे लक्षात आल्यानंतर त्यांनी आरोपी अमित सौरव यास हटकले. यावेळी दोघांमध्ये शाब्दिक चकमक उडाली.