मुंबई -मंगळवारी रात्रीपासून नाताळ सणाला सुरवात होईल. जगभरात नाताळाचा उत्साह दिसू लागला आहे. या सणाबद्दल सर्व धर्मीय लहान मुलांना माहिती व्हावी, यासाठी प्रभादेवी येथील बटरफ्लाय नर्सरी स्कूलमध्ये नाताळ सण साजरा करण्यात आला.
बटरफ्लाय नर्सरी स्कूलमध्ये नाताळ सण उत्साहात
इतर सणांप्रमाणेच नाताळ सण साजरा करून शाळेने सामाजिक, धार्मिक आणि सांस्कृतिक मूल्यांची जोपासना करत आहे. 'शिक्षणासोबत संस्कृती' हा मूलमंत्र जपून वेगवेगळ्या धर्माचे पारंपरिक सण येथे साजरे केले जातात. लहान मुले नाताळचे आकर्षण असलेला सांता बनले होते. सर्वांनी लाल टोप्या, लाल ड्रेस यामुळे शाळेचा संपूर्ण परिसर नाताळमय झाला आहे. या कार्यक्रमाला बच्चेकंपनीसोबत त्यांचे पालकही आवर्जून उपस्थित होते.