लातूर -मुख्यमंत्री देवेंद्र फडणवीस यांच्या महाजनादेश यात्रेवरून स्वाभिमानी संघटनेच्या युवती प्रदेशाध्यक्ष पूजा मोरे यांनी निशाणा साधला आहे. ५ वर्षात केलेली कामे आणि जनतेचा आशीर्वाद घेण्यासाठी सरकारने काढलेली महाजनादेश यात्रा ही समस्या जाणून घेण्यासाठी नाही तर सर्वसामान्यांची मुस्कटदाबी करण्यासाठी असल्याचा घणाघात त्यांनी केला आहे. यात्रेदरम्यान शेतकऱ्यांना नुकसानभरपाई देण्याची मागणी केली असता, सरकारने अटकसत्र सुरू केले असल्याचा आरोपही त्यांनी केला. त्या शहरात आयोजित पत्रकार परिषदेत बोलत होत्या.
हेही वाचा -राम जेठमलानी यांच्या जाण्याने निष्णात कायदेपंडित गमावला - पंतप्रधान मोदी
मराठवाड्यातील शेतकरी अडचणीत आहे. पावसाने पाठ फिरवल्याने या नुकसानग्रस्त शेतकऱ्यांना मदत करण्याची मागणी या यात्रेदरम्यान आम्ही केली होती. मात्र, याकडे दुर्लक्ष करीत मुख्यमंत्री देवेंद्र फडणवीस हे केलेल्या विकासकामांची गाथा गात होते. प्रत्यक्षात शेतकरी नापिकी, कर्ज याला कंटाळून आत्महत्या करीत आहे, असे मोरे यांनी सांगितले.