जालना - मांडव परतण्यासाठी माहेरी परत आलेल्या नवविवाहितेचा चाकू भोसकून खून केल्याची घटना मंगळवारी मंठा येथे घडली. मंगळवारी पाच वाजेच्या सुमारास भर बाजारपेठेत घडलेल्या या घटनेमुळे नागरिकांमध्ये भीती पसरली आहे. वैष्णवी नारायण गोरे (वय 20) हिचे जालना येथील एका तरुणाशी पाच दिवसांपूर्वी लग्न झाले होते. रितीरिवाजाप्रमाणे मांडव परतीसाठी ती परत मंठा येथे आली होती. दरम्यान, काही सामान खरेदीच्या निमित्ताने तिची मैत्रीण, ती आणि तिची आई या तिघी मिळून बाजारात जात असताना पाठीमागून येऊन एका युवकाने वैष्णवीच्या मानेवर आणि हातावर चाकूचे वार केले. त्यानंतर ती रक्ताच्या थारोळ्यात तिथेच कोसळली.
मांडव परतण्यासाठी माहेरी आलेल्या नवविवाहितेचा चाकूने भोसकून खून