जालना- अंबड तालुक्यातील शहागड येथे पोलिसांनी १ लाख २० हजार रुपयांच्या गुटख्यासह एक कार जप्त केली आहे. गोंदी पोलिसांनी केलेल्या नाकाबंदीदरम्यान शहागडच्या पैठण फाट्यावर ही कारवाई करण्यात आली आहे.
जालन्यात १ लाख २० हजारांचा गुटखा जप्त, नाकाबंदीदरम्यान गोंदी पोलिसांची कारवाई
अंबड तालुक्यातील शहागड येथे पोलिसांनी १ लाख २० हजार रुपयांच्या गुटख्यासह एक कारही जप्त केली आहे.
शहागड येथे १ लाख २० हजाराचा गुटखा जप्त
पोलिसांना मिळालेल्या माहितीवरुन, पैठण फाटा, शहागड येथे पोलिसांनी नाकाबंदी केली होती. यावेळी मारूती ८०० (एमएच-२०-बीसी-५५२८) या कारची झडती घेतली. कारमध्ये हिरा व ईतर कंपनीचा १ लाख २० हजार रुपये किंमतीचा गुटखा आढळून आला. त्यावेळी पोलिसांनी ३५ हजार किंमतीची १ मारुती कार, १ लाख २० हजार रुपयांचा गुटखा, असा एकूण १ लाख ५५ हजाराचा मुद्देमाल जप्त केला.
ही कारवाई पोलीस अधीक्षक एस.चैतन्य, अपर पोलीस अधीक्षक समाधान पवार, उपविभागीय पोलीस अधिकारी सीडी. शेवगण यांच्या मार्गदर्शनात शिवानंद देवकर, यशवंत मुंडे आणि अमर पोहार आदींनी केली.