जालना -बीड डेपो आगाराची मालवाहतूक करणारी बस नानेगाव येथील सुखना नदीवरील बांधकाम चालू असलेला पूल वाहून गेल्यामुळे नदीच्या प्रवाहात अडकली. मात्र, पुलाच्या कामासाठी आणलेल्या पोकलँडमुळे ती लगेच वाचवणे शक्य झाले. तातडीने मदत मिळाल्यामुळे बस वाहून जाता-जाता वाचली. तसेच, कोणतीही हानी झाली नाही.
मालवाहतूक करणारी बस सुखना नदीच्या प्रवाहात अडकली
सुखना नदीवरील हा पूल वारंवार वाहून जातो. यामुळे काही गावाचा संपर्क तुटतो. आज सकाळीही 11 वाजताच्या सुमारास नदीला जास्त पाणी आले. त्या पाण्यात पूल वाहून गेला. बस चालकाला याचा अंदाज न आल्याने त्याने पुलावरून जाणाऱ्या पाण्यातून बस पुढे नेली. मात्र, अंदाज न आल्याने बस वाहून जात होती. पुलाच्या कामासाठी आणलेल्या जेसीबीच्या सहाय्याने बस अडकवून ठेवण्यात आली. नंतर पोकलँडला दोरी बांधून बस मागे ओढण्यात आली. यात कोणतेही जीवितहानी झाली नाही.